Einingafjöldi: 2
Þrep: 1

Lýsing á áfanga og kennsluþáttum: Meginefni áfangans er hreyfing, næring og geðheilbrigði. Unnið er með grunnþjálfun í hreyfingu. Fæðuflokkar og næring er skoðuð í samhengi þar sem fjölbreytni í fæðu er í fyrirrúmi. Skoðaðar eru rannsóknir og greinar sem sýna fram á gildi hreyfingar og næringar á geðheilbrigði.

Þekkingarviðmið

Nemandi skal hafa öðlast þekkingu og skilning á:

  • áhrifum mataræðis á líkama og sál
  • helstu næringarefnum og hvaða áhrif þau hafa á líkamsstarfsemi
  • áhrifum líkamsræktar á geðheilsu
  • gildi hreyfingar sem mikilvægs þáttar í heilbrigði í víðum skilningi þess orðs

Leikniviðmið

Nemandi skal hafa öðlast leikni í að:

  • halda matardagbók
  • velja sér fjölbreytta næringu
  • viða að sér fræðilegu efni um geðheilbrigði

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:

  • lesa úr matardagbók með aðstoð kennara
  • geta greint fæðuflokkana í máltíðum
  • þekkja leiðir til að styrkja og efla gott geðheilbrigði
  • geta brugðist við einkennum hjá sjálfum sér eða félögum þegar andlegra erfiðleika verður vart
  • nota fjölbreytta hreyfingu sér til heilsubótar