Einingafjöldi: 5
Þrep: 2
Forkröfur: ÞÝSK1CC05

Í boði fyrir: Allar brautir
Námsmat: Áfanginn er próflaus og þurfa nemendur að taka þátt í ferðinni, ásamt því taka þátt í öllum þáttum undirbúnings og úrvinnslu. Ekki eru gefnar einkunnir í áfanganum heldur fá nemendur L (lokið) eða F (fallið) fyrir áfangann
Kostnaður: Nemendur greiða ferðakostnað
Annað: Áfanginn telst til sérgreina brauta á mála- og menningarbraut og hafa nemendur á þeirri braut forgang í áfangann svo fremi að þeir uppfylli reglur skólans um mætingar. Hámarksfjöldi nemenda í áfangann er 25

Í áfanganum kynna nemendur sér sögu og menningu Berlínarborgar, áhugaverða staði og daglegt líf íbúa og undirbúa þannig með aðstoð kennara ferðalag til Berlínar. Nemendur vinna ýmis verkefni fyrir ferðina, í ferðinni og eftir að heim er komið. Þeir undirbúa langa helgi í Berlín með því að setja sig inn í sögu borgarinnar, samgöngur, áhugaverða staði og annað sem vert er að skoða eða gera og kynna það fyrir hópnum. Sameiginlega verður síðan ákveðið hvað á að skoða í Berlín og dagskrá ferðarinnar búin til. Einnig æfa nemendur sig í hagnýtu talmáli sem felst að mestu í upprifjun á orðaforða og málnotkun með áherslu á dagleg samskipti.

Þekkingarviðmið

Nemandi skal hafa öðlast þekkingu og skilning á:

  • mannlífi, menningu og siðum í þýskumælandi löndum
  • samskiptavenjum og mismunandi notkun málsins eftir aðstæðum
  • menningu og sögu svæðisins
  • aðferðum, tækjum og tólum til að búa til árangursríkt kynningarefni
  • mikilvægi góðrar tungumálakunnáttu, jafnt í íslensku sem erlendum málum, og færni til að beita henni við munnlega og skriflega kynningu

Leikniviðmið

Nemandi skal hafa öðlast leikni í að:

  • skilja talað mál um kunnugleg efni
  • lesa margs konar gerðir texta og vinna úr þeim á mismunandi hátt eftir því hver tilgangur með lestrinum er hverju sinni
  • afla sér hagnýtra upplýsinga
  • skrifa frásagnir um ýmis efni
  • nota upplýsingatækni og hjálpargögn, svo sem orðabækur og smáforrit
  • greina skilmerkilega frá því sem fyrir augu ber í kynnisferðum
  • útbúa kynningarefni á mismunandi formi

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:

  • skilja daglegt mál og bregðast rétt við
  • fjalla á nokkuð ítarlegan hátt, munnlega og skriflega, um efni sem hann hefur kynnt sér
  • tjá eigin skoðanir og persónulega reynslu
  • lesa og túlka upplýsingar til að bjarga sér í þýskumælandi landi
  • beita viðeigandi mál- og samskiptavenjum og leysa úr málum sem upp geta komið
  • tileinka sér efni mismunandi texta og geta dregið ályktanir um efni þeirra
  • leysa úr viðfangsefnum, einn eða í samstarfi við aðra
  • meta eigið vinnuframlag og framfarir
  • sýna aga, metnað, sjálfstæð vinnubrögð, jákvæðni og trú á eigin getu