rödd og texti

Einingafjöldi: 4
Þrep: 2
Í áfanganum verður lögð áhersla á að læra raddbeitingu og textaflutning af ýmsum toga. Ólíkir textar verða skoðaðir svo sem bundið mál og nútíma leikhússtextar en einnig ljóð, ræður og fyrirlestrar. Fjallað verður um grunnlíffræði raddarinnar, umhirðu hennar og raddheilbrigði. Rými af ólíkum stærðum og gerðum verða heimsótt og nemendur læra um hvernig ólík raddbeiting virkar í ólíkum rýmum. Áfanginn endar á lokaprófi þar sem fagaðilar leggja mat á textaflutning og raddbeitingu nemenda.

Þekkingarviðmið

  • túlkun á bundnum og óbundnum texta á leiksviði
  • röddinni sem líffæri og umhirðu hennar
  • mikilvægi túlkunar í framkomu
  • margvíslegum aðferðum sem hægt er að beita í túlkun og tjáningu
  • eigin rödd, styrkleikum og veikleikum

Leikniviðmið

  • hita upp röddina og beita henni
  • nýta samspil öndunar, líkamsstöðu og raddar í tjáningu
  • greina margvíslega texta til túlkunar og flutnings
  • miðla lausnum í raddheilbrigði og beitingu til annarra

Hæfnisviðmið

  • flytja texta af margvíslegum toga á áhrifaríkan hátt
  • greina skilvirkt eigin raddbeitingu sem og annarra
  • bæta getu sína í raddbeitingu og framkomu enn frekar
  • útskýra þær ólíku aðferðir sem til eru til að tjá og túlka texta
Nánari upplýsingar á námskrá.is