Einingafjöldi: 5
Þrep: 3
Forkröfur: FÉLA2AA05

Í áfanganum fá nemendur kynningu á kynjafræði, jafnréttisbaráttu innanlands sem utan og helstu hugtökum og kenningum sem tengjast femínisma og kynjakerfinu. Nemendur fá innsýn í margbreytileika mannlífsins og þjálfast í að skoða heiminn í gegnum kynjagleraugun. Fjallað verður um sögu jafnréttisbaráttunnar, hinseginfræði fjölmiðla, ofbeldi, karlmennsku, vinnumarkaðinn, stjórnkerfið o.fl. þætti samfélagsins út frá kyni. Nemendur munu m.a. rýna í fjölmiðla, bækur og kvikmyndir og leysa verkefni þar sem hugtök kynjafræðinnar eru nýtt til að rýna í þeirra persónulega líf.

Þekkingarviðmið

Nemandi skal hafa öðlast þekkingu og skilning á:

  • helstu kenningum og hugtökum kynjafræðinnar
  • stöðu kynjanna í íslensku samfélagi, fyrr og nú
  • staðalmyndum um kvenleika og karlmennsku
  • kynjuðum neysluvenjum
  • klámi og áhrifum þess á kynheilbrigði
  • kynbundnu ofbeldi og mörgum birtingarmyndum þess.
  • áherslum hinsegin fræða

Leikniviðmið

Nemandi skal hafa öðlast leikni í að:

  • beita grunnhugtökum kynjafræðinnar
  • setja upp kynjagleraugun, þ.e. skoða veröldina út frá sjónarhorni kyns og kynferðis
  • greina stöðu og staðalmyndir kynjanna í fjölmiðlaefni, námsefni og almennri umræðu
  • taka þátt í umræðum og koma skoðunum sínum og hugmyndum á framfæri
  • beita gagnrýninni hugsun og hugtakanotkun

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:

  • skilja helstu orsakir kynjaskekkjunnar samkvæmt hugmyndum kynjafræðinnar
  • auka þátttöku sína í samfélaginu með jafnrétti að leiðarljósi
  • sýna sjálfstæði og ábyrgð í vinnubrögðum