Einingafjöldi: 5
Þrep: 3
Forkröfur: FÉLA2AA05

Í áfanganum er megináhersla lögð á stjórnmálafræði og, þegar við á, hvernig stjórnmál birtast í fjölmiðlum og áhrif þeirra á stjórnmálaumræðuna. Áhersla er lögð á að nemendur tileinki sér tungumál fræðigreinanna með því að öðlast skilning á hugtökum þeirra. Nemendur afla sér þekkingar á helstu straumum og stefnum í stjórnmálafræði og taka afstöðu til álitamála út frá sjónarhóli stjórnmálanna.

Þekkingarviðmið

Nemandi skal hafa öðlast þekkingu og skilning á:

  • helstu viðfangsefnum stjórnmálafræðinnar
  • helstu hugtökum og hugmyndakerfum fræðigreinarinnar
  • íslenska stjórnkerfinu og þróun íslenskra stjórnmála
  • aðalatriðum feminískra kenninga og póstmódernisma
  • mótunarafli og áhrifavaldi fjölmiðla í samfélaginu

Leikniviðmið

Nemandi skal hafa öðlast leikni í að:

  • beita hugtökunum sem hann lærir í áfanganum
  • greina á milli ólíkra stefna og kenninga
  • afla sér gagna úr fjölmiðlum og greina þau
  • vera gagrýninn og hagnýta sér það sér til framdráttar

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:

  • nota fjölmiðla til að greina stjórnmálalega atburðarás og framvindu mála í samfélaginu
  • staðsetja sig og viðhorf sín gagnvart álitamálum og stefnum í samfélaginu
  • hagnýta sér fjölmiðla með því að þekkja eiginleika þeirra og bakland
  • beita gagnrýninni hugsun