Lýðræði og mannréttindi
Einingafjöldi: 5
Þrep: 2
Fjölmargir hópar, hérlendis sem erlendis, telja sig ekki njóta grundvallarmannréttinda í samfélaginu. Sem dæmi má nefna flóttamenn, fatlaða, hinsegin og kynsegin fólk og ýmsa þjóðernishópa. Í áfanganum er fjallað um mannréttindabrot í heiminum og saga lýðræðis og mannréttinda rakin í stuttu máli, með áherslu á mannréttindabaráttu 20. og 21. aldar. Í áfanganum verður farið í saumana á þeim mannréttindasamningum og sáttmálum sem Ísland á aðild að. Áhersla er lögð á að auka víðsýni nemenda, öguð, gagnrýnin og sjálfstæð vinnubrögð og að tengja námsefnið við reynsluheim þeirra.
Þekkingarviðmið
- grundvallarhugtökum sem tengjast lýðræði, jafnrétti og mannréttindum
- þróun mannréttinda í heiminum
- tilgangi réttindabaráttu ýmissa valdra minnihlutahópa, s.s. fatlaðra, hinsegin og kynsegin fólks
- mikilvægi þess að hafa áhrif og geta beitt sér í samfélaginu
Leikniviðmið
- beita ýmsum hugtökum sem tengjast jafnrétti, lýðræði og mannréttindum
- greina hvenær réttindi fólks eru brotin
- taka afstöðu í álitamálum og koma skoðunum sínum á framfæri í ræðu og riti
Hæfnisviðmið
- leggja mat á upplýsingar um brot á réttindum fólks og viðbrögð samfélagsins við því
- geta litið á samfélagið frá ólíkum sjónarhornum og með gagnrýnum augum
- sýna ábyrgð og sjálfstæði í vinnubrögðum
Nánari upplýsingar á námskrá.is