spuni
Einingafjöldi: 4
Þrep: 1
Áfanginn veitir víðtæka grunnþekkingu í verkfærum leikarans bæði í spunavinnu og forskrifuðum texta. Nemendur fá innsýn í allar helstu aðferðir spunavinnunnar sem og aðferðir Stansislavskis og fleiri áhrifamanna leiklistarinnar. Mikil áhersla er lögð á sjálfstæð og öguð vinnubrögð, skapandi hugsun og jákvæðni í samvinnu við aðra. Áfanganum lýkur með opnum tíma þar sem valdar senur verða sýndar fyrir framan hóp af áhorfendum.
Þekkingarviðmið
- vinnu leikarans frá fyrsta samlestri að sýningu
- aðferðum Stanislavskís
- gildi góðs undirbúnings í persónusköpun
- mikilvægi þess að ákveða lokaútkomu vinnunar ekki fyrirfram
- gildi mistaka í leiklist
- gildi mótleikarans og samstarfsins við hann
- hvernig uppbygging atriða skiptist upp í fjölmargar kringumstæður og aðstæður
- því hvernig áhorfandinn skynjar þær upplýsingar sem honum eru gefnar
- hvað felst í heilstæðri persónusköpun á sviði
Leikniviðmið
- leggja sanngjarnt og faglegt mat á eigin vinnu og annarra
- taka listrænar ákvarðanir um hönnun og uppbyggingu persóna og atriða
- beita spuna og öðrum leiktæknilegum aðferðum við sköpun leikpersónu
- sýna sjálfstæð, öguð og einbeitt vinnubrögð
- vinna sjálfstætt og í hópi við persónusköpun
- greina senur og persónur út frá viðurkenndum aðferðum leiklistarinnar
Hæfnisviðmið
- beita jákvæðri hlustun í sköpun á atriðum
- taka við uppbyggilegri gagnrýni og sjá mistök sín sem tækifæri
- treysta flæði vinnunnar til að bera sig að lokapunkti
- læra að skynja og lesa hið ósagða í vinnu leikarans
- beita verkfærum leikarans bæði í spuna og forskrifuðum senum
- beita einbeitingu og aga í hugmyndavinnu og allri vinnu sem fer fram á leiksviði
- nota sjálfstæð vinnubrögð
- beita ólíkum aðferðum við sköpun persóna
- afla sér upplýsinga og innblásturs í formi rannsóknarvinnu
- greina leikverk og senur
Nánari upplýsingar á námskrá.is