Dans og leikhús

Einingafjöldi: 5
Þrep: 2
Í áfanganum verður áhersla lögð á að skilja dans sem frásagnar- og túlkunarform. Nemendur læra að vinna með líkamann, kynnast helstu undirstöðuatriðum dansins og læra að beita ákveðinni grunntækni. Fjallað verður um hlutverk og tilgang dansins í söngleikjum ásamt því að skoða sögu dansins sem sviðslistaforms.

Þekkingarviðmið

  • dansi sem frásagnar – og túlkunarformi
  • eigin líkama, styrkleikum og veikleikum
  • undirstöðuatriðum í dansi
  • þeim ólíku aðferðum dansins sem hægt er að nýta innan sviðlistaformsins
  • hlutverki dansins í söngleikjum
  • mikilvægi líkamans sem verkfæris til sköpunar

Leikniviðmið

  • hita upp líkamann og hirða vel um hann
  • greina dans sem hluta af frásögn og tjáningu
  • nýta danstækni í flutningi á sviði
  • beita líkamanum á dýnamískan hátt bæði í leik og dansi
  • tengja saman líkama og hugsun/tilfinningu

Hæfnisviðmið

  • flytja dans eða líkamlega túlkun á sviði á áhrifaríkan hátt
  • nýta skilning sinn á líkamanum til að auðga túlkun og tjáningu á sviði
  • tjá sig í töluðu og rituðu máli um sögu danslista og tilgang dansins innan leikhússins
  • vinna með líkamlega færni á sviði á ábyrgan hátt
Nánari upplýsingar á námskrá.is